科大校長朱經武的御廚邱志明踢爆,這位老闆五年來風雨不改最愛吃牛𦟌三文治當午餐;而且,兩夫婦都十分節儉。邱志明曾先後服侍過創校校長吳家瑋及現任校長朱經武,形容兩人各有風格,上海人吳校長最愛吃上海家鄉餸,尤愛吃冷盤小食;而朱校長對食無甚要求,最緊要簡單及健康。
他透露,朱校長除早餐自己煮麥片及吃小量生果外,還會吃一茶匙冰糖燉燕窩養生;中午則吃冷凍的五香牛𦟌加小量蔬菜夾三文治;晚上吃小量肉及蔬菜餸飯即可。邱廚師每日炮製五香牛𦟌供校長食用,「食極都唔厭,我都煮到厭。我試過轉吓款式,煮啲雞肉畀校長,點知校長都話想食番牛𦟌。」
朱經武及其妻子陳璞兩人愛簡單,邱志明形容,兩人各拿着一湯碗飯餸,席地而坐邊看電視邊吃飯,笑說「佢食得仲簡單過我,仲簡單過民工!」朱校長記性極佳。邱說:「就連幾年前內地官員送咗一支茅台酒畀佢,飲剩好少,我已經唔記得,朱校長隔咗幾年都記得!」
本報記者