六叔六嬸搵幾米為TVB畫外牆一事傳出之後，八方噚日就喺藝術中心一個有關幾米品牌座談會上，見到TVB總經理陳志雲高調出現。雖然幾米並無出席個活動，但係陳志雲依然畀足面撐場，真係為咗動搖幾米，不惜三顧草廬。
詹瑞文早前同幾米傾掂數，將佢幾本大作改編成兒童舞台劇《月亮七個半》，阿詹話幾米好鍾意佢哋個idea，所以好快就應承咗，仲同陳志雲開玩笑：「Artist（藝術家）同TVB玩crossover，你睇幾有諗頭。」
陳志雲一場嚟到，仲坐咗個幾鐘，乘機向阿詹偷師，睇吓點搞掂幾米之外，仲要搵專程由台灣嚟香港嘅李雨珊，佢同幾米合作創立嘅莫色國際，宣傳幾米品牌，陳志雲梗係要mark實佢，傾吓畫畫大計。陳志雲為咗六叔六嬸，可謂扭盡六壬。