辦公室女郎日坐夜坐，豪華臀、大象腿、橙皮紋、拜拜肉統統坐晒出嚟，照鏡都忍唔住大叫該煨，唔通真係要學欣宜海獅上身搣甩肥膏？使乜咁大費周章，只要按照平日的生活方式，攝時間偷雞做運動，辦公室隨時都可以係燃燒卡路里的好地方！
記者：盧家蕙
攝影：伍慶泉
Model：Lin&YoYo@Salvador
專業意見提供：黃榮俊營養師
每天朝九晚六的OL──YoYo和Lin，跟大部份香港女生一樣，總嫌自己唔夠fit、唔夠slim，為了身材更健美，兩人無所不用「奇」極，自行創出一套十六式的收身動作，由朝早出門一刻算起，直到放工也不停攝時間狂操身形。今次搵來專業營養師兼健身教練黃榮俊，為各動作逐一分析並指點迷津！
8:00am 返工出門......\
坐低要收腹
步入地鐵，Lin率先霸到靚位，隨即伸直腰背及坐下收緊腹部至落車為止。
黃榮俊：可鍛煉腹部肌肉，所以瞌緊眼瞓都要keep住挺胸收腹。
站立收小腿
YoYo怕坐得多pat大，最鍾意站立時將小腿提起，輕鬆收緊小腿肌肉，10分鐘的車程已經做了20下。
黃榮俊：減甲組腳一流，每組可減1個卡路里。
追巴士消脂
YoYo和Lin經常要追巴士，仲搞到一身汗臭崩崩。
黃榮俊：咪睇小呢個帶氧運動，跑足20米就可消耗約3個卡路里！
樓梯狂奔
為了比老細早一步蒲頭，她們跑上「長命斜」樓梯直奔office，行完仲氣喘如牛。
黃榮俊：每行10級樓梯，就可消耗1個卡路里，而且上比落更有效。
9:00am-5:00pm 工作進行中......
練手臂肌肉
舉水壺收肩肌
坐直身子，手握兩個不銹鋼保溫瓶不停向上舉，可以減手臂肥肉。
黃榮俊：左右輪住做20下，便可收緊肩膀肌肉，每日做3組，可減3大卡路里。
向後提減拜拜肉
坐好，上身微微向前，手拿書本或膠紙座，夾緊腋窩，運用前臂把手舉起，放下然後重複多次。此動作還可以作傳遞文件時乘機練習。
黃榮俊：動作可鍛煉三頭肌（byebye肉）。
結實雙腿
無影櫈練前後肌
坐着，大腿用力提升上身，臀部離櫈面並維持約10秒，坐下。
黃榮俊：此舉可鍛煉大腿前後肌肉，每次維持10秒，每日3次。
夾波減大腿內側
坐好，雙腳夾實膠波，雙手放膝上，用力把大腿向外拉開，每次做12下。
黃榮俊：可收緊大腿內側肌肉群，長期做可減少肥肉，夾咕𠱸效果更佳！
伸直雙腳收靚後腿
坐直，將雙腿伸直並提起，hold住直至疲累才放下。
黃榮俊：Hold得幾耐得幾耐，可鍛煉大腿肌肉。
1:00pm-2:00pm 午餐......
抹枱練手臂
手執枱布，雙手向內打圈用力抹枱。
黃榮俊：能鍛煉心肺胸及手臂，每20次可消耗1個卡路里。
飲食Tips
1. 政府呼籲市民水果蔬菜2+3，最好剔除高糖份的生果，有助收身。
2. 香蕉纖維高，飽肚低卡又方便，食1條可頂半碗飯。
3. 奇異果含豐富維他命C，糖份不高，可美白肌膚。
4. 除非你血糖低需要補給，否則高糖份的葡萄、荔枝、龍眼淺嚐為妙。
5. 少飲罐裝咖啡、奶茶、汽水，可多飲花茶或CokeLight。
產品加速消脂
除做運動，坊間亦有唔少減肥產品針對脂肪和水份積聚等問題。
OZON抗污染活性瘦身精華露$400
能延緩脂肪細胞增長，用後可成功減褪橙皮紋現象達60%。（a）
OZON抗污染熱能纖體乳霜$360
可對抗橙皮紋和防止脂肪積聚，及排出體內毒素。（a）
Oe海藻通淋巴膜$800
能排水、緊實肌膚，消減橙皮脂肪和重組肌膚組織。（b）
Shoplist
（a）Purebeauty25061521
（b）莎莎25055023