胡麗雲（Serenade）自小受大家姐影響，92年樹仁學院中文系甫畢業，就去跑新聞當記者，不過她從未想過要當記協主席。「我同爸爸一樣性格火爆、倔強、甚麼都看不過眼，並非適合人選。」是記協總幹事何靜茵三番四次的游說，打動了胡麗雲的心。
胡麗雲的父親有四個女兒，一個兒子。大家姐胡雪姬是前電盈公關，李澤楷左右手，四家姐胡雪麗曾在有線電視工作，也是傳媒人。胡麗雲個子小小，弱質纖纖，但聲音動作處處顯出滿肚不平。坐在中環一間寧靜的咖啡室，雙手不是放在桌上，而是把頭髮不停往上撥，侍應誤會要「埋單」。說到激動時，她會呼一口氣，連額前的頭髮也吹起。
「我太大壓力喇，估唔到忙成咁，經常覺得唞唔到氣，好辛苦。」7月1日才上任，事件如雪片飛來，程翔、港台、截聽……結果病了一個星期，還是要頂下去。「我係固執，但擇善固執，人在其位就冇辦法。坐呢個位，就要承擔，呢個係我嘅責任。Apromiseisapromise.」
從《新晚報》開始，她曾做過《現代日報》、雜誌，輾轉當上自由撰稿員，剛完成了倫大法律學位課程，卻不想當律師。或許習慣訪問別人，一時當上主席，變得很不自然。「我係普通市民，點解有咁多記者訪問我？要知我嘅背景同出身？」她很想繼續享受自自由由去街市買餸的樂趣。
上月底跟多個人權組織出訪菲律賓，當地由86年至今，有83名記者被暗殺，政府坐視不理，她一個外來人卻在大聲疾呼：「點解咁多記者死得不明不白，當地人都唔敢企出嚟？」她覺得無論是菲律賓、內地抑或香港，都不可以往後退，愈怕事，敵人就愈向前。
談私人生活，胡麗雲總是咿咿呀呀，但一說新聞就立即充了電。這幾天，她都坐在立法會聽截聽會議，默默地抄筆記、然後寫信給議員，寫文章給報館，接受訪問。她固執，捱通宵也無怨言，「人一定要向前行。」對於截聽條例，她堅持要提高門檻，要有法庭手令。「電話就係記者嘅生命，你叫記者將來點做嘢？」她堅持應該不准截聽記者資訊，她說見到這條23條翻版好𤷪，「點解踐踏得咁犀利？」
記協這個燙手山芋，不過執起一個月。胡麗雲總是說：「我諗我要做好一啲，呢個係我嘅本份，我要維持新聞自由，要為記者謀福利，要加強海外同內地聯繫……」
工作雖然很多，但丈夫還是第一位，「如果佢sayno，我會好難做。我想搵份正職，佢一個人點撐？」她認為當記者是幸運的，是「天主的安排」，所以不問回報，大抵心靈有了依託，她無懼。
採訪：梁幸兒攝影：曾顯華