官恩娜噚日去商台接受訪問，講到有報道話謝霆鋒有半億身家，養得起女友張栢芝，官恩娜話女人始終要有一定經濟能力，好似佢咁，雖然最初入行嗰陣問過公司借錢，但之後所有支出都係靠自己。佢仲話呢排冇時間執屋，但就點都唔肯請工人，事關之前俾工人偷咗佢隻萬幾蚊嘅鑽石手錶，隻錶仲係舊男友送畀佢㖭。