梁文雅、張家鈴、吳俊樂三名準中一生，是香港時下典型幸福學生，過慣在課室「着冷衫、歎冷氣」的學習生活，但他們月前與父母到訪國內貧困地區小學，看到那裏同齡學生的上課情況後，方知山區疾苦，回港後化身宣傳大使，分享經歷，為國內重建危校計劃出一分力。
三名稚氣未除的準中學生，坐在將軍澳東港城商場的山區危校模擬校舍內接受訪問，四周簡陋的布置，勾起眾人今年4月中到訪韶關兩所小學的情景。
「我哋去咗一間叫東坪小學嘅學校，嗰度唔似香港啲學校咁有錢，唔單止冇冷氣，連風扇都冇。廁所仲好污糟，冇得沖廁。」快將12歲的文雅滔滔不絕地說。在旁的家鈴不住點頭，並附和着說：「我去過探一個窮家庭，間屋掛住一啲臘肉，佢哋話今年過年食唔晒，留番出年過年先食喎。」
儲下零用錢助失學童
架着眼鏡、外貌文靜的俊樂則表示，之前亦有留意報章及電視有關國內貧困學童的上課情況，惟今趟親身用眼去看、用耳去聽，方知真實環境遠較其想像中更惡劣，但亦令他得到不少啓發。
「雖然佢哋學習環境好艱苦，但佢哋都好積極同好有熱誠，老師問問題都踴躍回答，同香港啲學生有好大分別，值得我哋學習。」俊樂還說，今次行程雖只短短四天，但已令他學會珍惜擁有的東西，他更承諾會將儲下的零用錢捐一點出來，幫助國內失學兒童。
俊樂的母親吳太亦欣然見到兒子的改變。「我點講都冇用，要佢自己親眼睇過先知，我希望佢從中領略一個道理，畀心機讀書。」