組合2R昨日穿上由鮮花做成的短裙，到上水廣場擔任「夏日花姿色」模特兒，並示範插結婚花球。司儀要求二人預習結婚拋花球時的情形，當家姐Rosanne拋出花球時，有幾朵玫瑰散落地上，在旁的Race立即取笑說：「你個花球啲花甩出嚟，即係證明你插得唔穩啦！」
被咒做老姑婆
輪到Race拋花球，誰知她只拋出承托花球的膠托，整紮鮮花則跌於台上，在場的觀眾忍不住大笑，Race立即以笑遮醜。事後Rosanne還擊妹妹說：「你頭先唔笑我都仲好啲，點知你笑完我自己就咁鬼瘀，咁可能個天會畀我嫁先過你！」Race表示三妹曾詛咒她做老姑婆，她說：「有次我同細妹嗌交，佢咒我做老姑婆，成世嫁唔出。」
此外，Rosanne透露中學時曾有追求者連續一星期送花到她家，但最後還是拒絕了對方，她說：「我父母都俾呢個男仔感動到，可惜我對佢冇feel。」
採訪：李珮洳 攝影：陳俊強
