甄子丹去年主演的《殺破狼》叫好叫座，有份投資該片的金牌公司決定開拍續集，並會沿用洪金寶、吳京及任達華作招徠，但那邊廂原來主角甄子丹卻與《殺破狼》導演葉偉信宣布開拍續集，並會找來古天樂演出，鬧出雙胞胎。
去年Ba叔（陳達志）的阿柏公司與金牌公司合作投資的《殺破狼》在香港和海外口碑不俗，主角甄子丹早已表明在下月開拍續集，除了沿用葉偉信任導演外，還會加入古天樂演出。但昨日金牌負責人黃柏高（Paco）卻表示本月中會用原班人馬開拍《殺》片續集，其他公司不可能起用此片名，續集主要以洪金寶大戰吳京戲份為主，所以最後變成《殺破狼》的舊拍檔甄子丹對洪金寶，以及任達華對古天樂的情況。
看好吳京擔大旗
Paco一直看好吳京，所以準備由他擔正《殺》片續集，昨日Paco接受電話訪問時說：「續集係由金牌同羅守耀嘅影視點公司合作投資開拍，雖然續集冇咗甄子丹同葉偉信導演，但我相信唔會有太大影響，因我哋會再搵其他合適嘅導演，至於東方公司老闆黃百鳴會支持子丹佢哋拍續集，黃老闆有打過電話畀我，問可唔可以用呢個名，我話因為我哋自己要拍，所以就請佢哋唔好用呢個名，佢哋會改過另一個，其實片種雖然雷同，但唔存在鬧雙胞胎嘅問題發生。」
棄原名免傷和氣
至於甄子丹對Paco拍《殺》片續集並無意見，他在電話中說：「其實法律上我哋要用呢個名都可以，但道義上就唔係咁好，所以我哋唔想傷和氣，決定放棄用呢個名，不過我相信有我同葉偉信坐鎮，唔用《殺破狼》呢個名都冇問題。」而據悉此片已改名為《強戰刑警》。
採訪：葉雪
