北京嘅四合院，原來好受海外華僑同香港人歡迎，世紀21中國部董事楊靄良話，𠵱家北京每年有50至80單四合院成交，由港人或者華僑買嘅，多數會改建為餐廳、酒吧甚至賓館，借四合院嘅歷史意義，大做生意。其中東、西城區嘅四合院特別受歡迎，無他，因為特別多商家政要居住，一般3000到5000幾呎嘅四合院，呎價大概2000到4000蚊人仔，平啲嘅有宣武門同崇文門區，大概1000到2000幾蚊人仔。
世紀21啱啱就做咗北京東城區6套四合院嘅代理，其中包括「班第故居」，係清朝名臣班氏家族嘅舊居，坐落育芳胡同與東四六條交界，全院佔地5900幾呎，建築面積5800幾呎，故居始建年份可追溯至1849年之前，名副其實係歷史故居。