華人置業喺銅鑼灣躭住唔少舖，其中完成翻新嘅東角道東角Laforet，聽日開張嘞，睇怕呢區仲要旺啲，華置大搞宣傳，附近嘅商舖就掹車邊受惠。
蘭西收到創意工業集團CommonSpace報料，話佢[!925D]用呎租逾8000蚊，租咗隔籬上手租客係「老行家」嘅香港大廈A1號地舖，主力推廣互動多媒體玩意，今個月中就開張。呢個呎租比起全港最貴租嘅景隆街「雞蛋仔」小食店，呎租4300蚊高出一大截，蘭西覺得好驚訝，問佢哋嘅公關，話冇個舖面積同月租資料。
中原香港商舖部營業董事鄭琪俊噚日報料，都有提到呢個舖，但佢話面積約300呎，月租40萬，呎租1333蚊。個價差咁遠，究竟邊個至真？
另外，鄭琪俊又話，東角道都有兩個舖租出，24至26號地下17號舖，180呎，呎租611蚊，而19號地下535呎舖位，每呎336蚊。