做肯德基外賣員1年、有9年送貨經驗的German說：「送外賣唔只講求快，仲要安全至上，我哋要遵守公司定嘅安全守則。」甚麼守則？「送貨出車時唔可以楔車罅，幾趕都唔可以咁做㗎。」以前German是送文件的，做文件速遞員壓力大，要分秒必爭，不可以出任何差錯。那時的他為兩餐，何止楔車罅，簡直見車過車，爬頭切線視作等閒，現在肯德基勒令安全至上，對他來說是天大喜訊，「始終打份工啫，無謂搵命搏吖。」
一般情況下，客人落Order後30至45分鐘，外賣員就會把用保溫袋盛着的食物送到府上，打開保溫袋食物還是熱辣辣香噴噴。客人硬說食物放涼了怎辦？幸好，這不關German的事，「唔使我處理，我會即刻打電話畀經理，等佢同客人直接對話，通常都會安排過另一位外賣員再送貨，送到客人滿意為止。」那有無遇過雞蛋裏挑骨頭的客人？「咁又無遇過麻煩客喎，香港人始終讀過書兼有人情味，仲會唔該前唔該後㖭。不過我反而遇過麻煩狗噃，有次送貨，可能啲雞味道太香啦，一開門屋主嗰兩隻狗仔就飛撲埋身，我應變唔切啲雞跌到一地都係，要再送過，哈哈。」短短十分鐘訪問，發覺German非常有禮，我猜他一定是模範員工，愈想到光顧茶餐廳要受口叼着煙褲袋插着馬經的金毛樓面氣，就愈覺得German有禮貌。
記者︰方綺君
攝影︰陳偉強
萊茵黑椒雞槌 6件$33
啖啖肉的雞槌用黑椒和其他香料醃製，外皮焗得香口，外層撒上紅青椒碎，惹味可口，我覺得比辣雞更好味。
瑞士雞翼 6件$33
不是鹵水雞翼，是8月新推出的瑞士雞翼，用秘製調校的瑞士汁烹調而成，濃郁汁液滲透雞肉內層，非常入味。
焗芝士白汁雞皇飯$40
白汁雞皇飯是炒飯底，飯粒不會與芡汁藕斷絲連，粒粒爽口，飯面鋪上一層厚厚的芝士，再放入爐焗一焗，香氣撲鼻。
肯德基外賣熱線︰21800000