呢期又流行炒收購合併，唔少傳出被洽購的股票都炒得一大餐，邵氏（080）同埋電視廣播（511）就係個好例子。但經紀黃就叫小初唔好掂，留意一啲跌得過殘嘅股份好過。
經紀黃話，近期被質得最勁的股份就係大陸房地產股，其中上海復地（2337）係跌得較重嘅一隻。上海復地在下周二公布中期業績，據分析員估計唔會有好大驚喜，但由於股價跌得多，現價較資產淨值有大折讓，所以買得過。
自從內地進行宏觀調控，不斷推出打擊房地產炒賣措施後，上海復地股價由4.40元高位，一條氣咁跌落嚟，以昨日收市價2.50元計，跌幅超過四成。高盛昨日出報告，以上海復地07年預測的NAV計，現價折讓超過五成。
另外，昨日講到大股東批股的華寶（336）仍未復牌，經紀黃都話唔明，但估計只係技術問題。
慕容小初