由爾冬陞（小寶）執導的電影《門徒》昨日舉行記者會，一班演員對懷胎6月、現時體重已達130磅的袁詠儀（靚靚）照顧有加。除劉德華席間盡顯男士風度攙扶她出入外，小寶更自爆因要為靚靚及胎兒健康着想，片場一律禁煙，一班煙民連導演及古天樂都要讓路。
古天樂、劉德華、吳彥祖、內地演員張靜初及已懷胎6個月的袁詠儀，連同導演爾冬陛及監製陳可辛，昨日出席電影《門徒》在尖沙嘴舉行的記者會。
是BB美好回憶
各人對腹大便便的靚靚均照顧有加，原本坐在近台邊的小寶及張靜初，一見靚靚進場時，即起身讓座，方便她上落，至於在戲中飾演靚靚丈夫的華仔更是處處拖着她的手出入，猶如貼身保母般。
已有8年沒有拍攝電影的靚靚接受訪問時表示，頂着肚子開工是頗大挑戰，她說：「小寶同陳可辛都係我嘅恩師，佢哋開戲，點可以冇我份。BB仲喺肚裏面，就可以同華仔合作，將來會係佢好好嘅回憶。」她又透露當初應承接拍時，小寶比起自己家人還緊張，既要她驗身外，又多次要求她跟張智霖商量。華仔都認同小寶非常照顧靚靚，他說：「有阿靚喺度，片場唔准食煙唔在講，我好彩同阿靚做兩公婆，開親工都先跳拍阿靚嘅戲份，即係變相拍埋我，可以早啲收工。」
泰國外景歎世界
小寶笑言禁煙是為BB健康着想，雖然稍後袁詠儀會隨隊出發到泰國拍攝外景，但她的工作主要是負責吃喝玩樂，他說：「香港拍晒最難嘅戲，喺泰國時阿靚嘅戲會好輕鬆。」
採訪：何永寧 攝影：陳慧安
