早排曾特首和廖局長成日叫大家為咗改善香港嘅空氣污染問題，停車等人嗰陣記得熄匙，到底有幾多人會咁做?呢個係大家對社會所付出嘅責任。做，係應該嘅！之不過咁，如果可以引入埋來自意大利，兼且用電推動嘅Tecnobus巴士嚟香港，咁就真係Perfect啦！
記者：鄭達基
多個Version任擇
當年曾在香港試行嘅電動巴士，主要是可載16名乘客嘅公共小巴，但Tecnobus就完全唔同，除了2軸設計嘅GulliverIbrido同埋GulliverElettrico外，仲有適合在城市內行走嘅3軸PantheonElettrico。雖然3部車外觀差唔多，望落好似成部玩具車咁，但載客量原來一啲都唔低，以PantheonElettrico為例，最多可接載27至35人，跟現時喺本港行駛嘅中型巴士沒分別；同時選用嘅公司可為車子加入專供傷殘人士使用的斜板及輪椅停泊區，Fit晒唔同類型人士嘅要求。
全電動Sell環保
佢主要賣點係採用全電能驅動，零廢氣排放和低噪音污染；GulliverIbrido更用上全新Hybrid系統，當巴士起步或行駛時會使用儲於蓄電池內嘅電力去驅動電馬達，相反，煞車時則會將制動力經電馬達轉化成動能，並儲於蓄電池內。從而令車子最長可連續行駛17小時，行車時嘅噪音更低至63分貝。各位大叫咩都要環保嘅政府高官，不如諗諗引入佢哋做政府車，順便做埋Demo啦！
