謝霆鋒父親謝賢（四哥）前晚在灣仔君悅酒店出席派對時，巧遇張栢芝所屬的中國星老闆向華強夫婦，四哥竟暱稱對方為「親家」，其後雙方分別接受訪問，表現大相逕庭。
對栢芝冷淡
問四哥會否恨飲新抱茶，他笑說：「個仔開心咪得囉，新抱茶點會咁快呀？」問四哥對栢芝有何感覺，他說：「我睇個個都好，我覺得好又有乜嘢用吖？」
據悉栢芝一直將復合一事保密，直到接受電台訪問後才先斬後奏，令向太十分失望，難怪她前晚聞鋒芝戀反應冷淡，向太說：「栢芝有打畀我，但我食咗藥迷迷糊糊，呢排都好忙，叫佢遲啲再通電話。」對霆鋒的評價，向太說：「佢都係一個好世姪，對我好有禮貌，我頭先對四哥都講恭喜，我相信栢芝一定真心，我相信霆鋒都一定真心啩？」雖然栢芝勁撐霆鋒為人，向太卻說：「咁叫霆鋒去證明囉。」
採訪、攝影：娛樂突發組