暑假係小朋友嘅黃金時間，但姐夫家姐要出門公幹，剩低我呢個做阿姨嘅帶住3件大小細路，日日上山下海！小朋友玩得多，大得快，舊衣物、玩具已經唔多啱用，所以要趁佢哋至愛嘅卡通公仔精品、玩具做4折起大減價時，帶佢哋入貨！呢3個2歲至14歲嘅細路意見多多，以下係佢哋響過百件物品裏面嘅心水推介！
記者：林佩婷
17×20吋咕𠱸好枕
每個細路瞓覺、睇電視都有個「覺豬枕」，但舊嗰件實在太多口水迹，一於買個顏色柔和、軟綿綿嘅返屋企，𠱁班反斗細蚊坐定定！
大毛公仔增安全感
細路好容易缺乏安全感，所以第一時間搵個可愛公仔同佢哋做伴，咁佢哋就會安靜啲，唔會大吵大鬧。
Sharp醒背囊塞滿裝備
每次同小朋友出門，必要帶備多多用品，家吓買個鮮艷背囊，等佢哋樂意攞番自己嘅隨身物品！
發聲玩具訓練聽力
小小姨甥對聲音極之敏感，呢個發聲玩具可以訓練佢嘅集中力、注意力。
卡通口罩至衞生
心情好，姨甥仔食咗多少雪糕汽水之後，有兩聲咳！為咗令佢心情開朗、快啲康復、唔好傳染家姐、細佬，一於買個卡通口罩！
吊帶背心清新
同班細路四圍玩，不時搞到成身大汗，已經係小少女嘅姨甥女同我揀咗件吊帶衫，話佢清新得嚟唔暴露，襯我喎！
Sanrio夏日嘉年華
日期：即日至8月8日
地點：銅鑼灣軒尼詩道555號崇光百貨9樓
查詢：28338338