陳凱歌揚言新片《梅蘭芳》會以劇本為中心，唔玩特技，主角屬意梁朝偉演出。不過另一導演關錦鵬之前都話過想拍《梅》片，男主角都係搵偉仔，但因為偉仔冇期，所以關錦鵬話要暫時擱置。𠵱家影片鬧雙胞，不過據馮仁昭所知，偉仔由年尾到出年六月都度咗期畀吳宇森拍《赤壁之戰》，相信好難應承陳凱歌喇。
