曾傳緋聞的吳卓羲和徐子珊昨日在跑馬地拍攝新劇《學警出更》時，徐子珊突然衝出馬路，吳卓羲一招英雄救美，令到徐子珊芳心暗許。吳卓羲更謂做dancer時為躉王，故不擔心要抱起徐子珊。
無綫新劇《學警出更》昨日在跑馬地拍攝外景，講述徐子珊到處追尋母親羅冠蘭的下落，豈料在街上巧遇羅冠蘭，兩母女在街頭展開追逐戰，徐子珊更不顧一切衝出馬路，剛巧有一部私家車迎面而來，幸得吳卓羲一招英雄救美一手拉住她，徐子珊感動萬分，暗生情愫。
跑20多次未喘氣
徐子珊為了尋親，在街上跟扮演其母的羅冠蘭展開追逐，來來回回在街上跑了20多次，但一點都不覺她喘氣，她說：「我𠵱家體能OK，都已經慣咗，未開始拍時我開始做運動練體能，因為戲入面話我好武功，成日打交，仲係巴西戰舞助教。」徐子珊為了劇集練成大隻妹，做一個似模似樣的男仔頭，她說：「係啊！戲入面我成個男仔頭，𠵱家有人仲話我似tomboy，仲係靚仔好多女仔鍾意嗰隻。」
「就算抱佢都夠力」
至於瘦了十多磅的吳卓羲，在劇中一招英雄救美，但他不知要否抱起徐子珊避開迎面而來的私家車，他說：「好似話唔使抱起佢，不過就算抱都夠力，話晒以前我做dancer嗰陣，有個綽號叫『躉王』，舞蹈組有兩、三個男仔係專門負責舉起女仔，外形通常係比較高大，可以一手就舉起個女仔，所以舉起徐子珊應該冇問題。」
採訪：楊潔雯 攝影：陳俊強
