陳敏之昨日到新城電台，以《一個靚墟》嘉賓主持身份訪問好友李彩華（Rain）。原來陳敏之與阿Rain當年做模特兒已相識，兩人工作時更經常被錯認，敏之說：「出去影相或者做job都會俾人認錯，入行前我就俾人當係Kelly（陳慧琳），入行後就當係阿Rain。」
阿Rain謂兩人年前拍攝劇集《下一站彩虹》成為好友，後來以姊妹稱呼，「妹妹」阿Rain說：「拍劇時我有時都去敏之屋企借宿，仲食晒佢啲零食。後來連我爹哋都同我講，話睇電視有時都唔知邊個係自己個女。」
講錯說話
問到二人擇偶條件是否也類同時，陳敏之即說：「你鍾意靚仔嘛，我就要穩重！」阿Rain聞言只懂儍笑，而陳敏之可能自知講錯說話，即補飛說：「我知你未拍過拖，但係我知你鍾意靚仔嘛。」
採訪、攝影：藍文浩