《傳媒春秋》翻做，搵咗毛孟靜做主持。港台中人話唔介意毛毛有公民黨黨籍，而毛毛就話，飛哥都有兩個身份，點解佢唔可以？
佢第一集就訪問倪匡，佢足足肥咗60磅，嚇咗毛毛一跳。不過倪匡否認有戒煙，仲即場表演一邊食煙、一邊刷牙嘅絕技。
倪匡仲大爆佢97年前移民美國，係因為好怕共產黨，所以佢嘅大作都帶有強烈嘅反共意識，唔畀喺內地賣。不過為咗太太，倪匡先至回流香港，仲感慨自己「兒女情長、英雄氣短」。毛毛話，其實倪匡𠵱家對共產黨依然好決絕。
不過倪匡話返嚟連短文都唔會再寫，唔係因為唔想寫，而係寫得太多衛斯理，quota已經用晒，𠵱家佢做咗貝殼專家。