動漫節焦點之一的Cosplay大賽，由扮演《FinalFantasyVII》主角克勞德的黃兆倫奪冠，獲獎金8,000元。玩Cosplay九年的她，演繹漫畫人物的神髓已達出神入化地步，除一身服裝及逾五呎的道具長劍外，更親手以發泡膠造出一架一比一大小的電單車，內藏小電單車，兩隻輪胎真的可被推動前進。
不過，有落選參賽者卻質疑大會造馬，「人人都知佢同主辦單位好熟，佢已經贏咗三次冠軍、一次亞軍，賽跑都有贏有輸，有乜理由成日都係佢贏！」本來心情大好的黃兆倫回應時有點不悅，「我好畀心機做道具，用咗一星期將發泡膠磚磨成電單車再噴油，參賽首日就有人報警話我架車冇牌唔可以喺會場行，我覺得有人整蠱我。」至於患上腸癌、扮演妖狐的張翠儀雖名落孫山，但她說：「今次得到好多人支持，對自己嘅表演已經好滿意！」
GameGirl勇於釋放
至於GameGirl大賽則由今年升讀中七的18歲名校女生盧頌恩Grace奪冠，「好開心！能夠勝出，我覺得係因為我好熱衷表演同勇於釋放自己。」她說數天後會收拾心情安排時間溫書，不會影響高考進度。
本報記者