百利保集團上個禮拜重售元朗彩虹軒，仲減價15至18%，以一口價495萬同555萬，推出首批4個複式，幾日內已經賣咗兩間。
中原助理營業董事周子立話，噚日賣出嘅係5座A室下行複式，面積1690方呎，4房連套房設計，連車位成交價495萬，呎價2929。買家係中港商人，好多時要返內地做嘢，住元朗梗係方便好多，所以睇完第二日就即刻拍板。
至於喺過去周末賣出嘅6座B室上行複式，2164方呎，3房連套房間隔，連車位作價580萬，呎價2680。
點解貴咗？周子立解釋因為單位有裝修。買家係大埔區租客，見價錢平同可以即買即住，一睇完就決定入市。
賣完呢兩個單位，究竟發展商會唔會加碼推多啲，周子立話暫時未有消息。