已有九年沒推出唱片的鄭嘉穎，將於本周末（五日）推出全新個人大碟，獲無綫瞓身支持，嘉穎更不惜首次穿上孖煙囱擘髀拍攝唱片封面照，期望新碟能成為其歌唱事業翻身作。
歌手出身的鄭嘉穎近年在無綫以演員身份發展，成績理想，雖然早前備受戴思聰合約困擾，但自97年推出國語唱片《因為愛上你》後至今九年沒推出過個人大碟的他，本周末終可一償心願推出個人大碟《新歌+精選》。
獲無綫力撐
據知無綫方面對嘉穎今次出碟極為重視，除知會電視台內部各大小節目如《勁歌金曲》及《東張西望》等訪問嘉穎外，又安排他演出近期多個大騷，更與嘉穎所屬的環球唱片公司合辦連串宣傳活動，包括本月12日的簽唱會、13日的fanclub派對和20日在九展舉行的演唱會，較之前吳卓羲推出個人大碟時更為重視緊張。
嘉穎早前為新碟拍攝唱片封套時，設計師為營造其住家男人形象，除要求他切洋葱和熨衫外，又要他穿上孖煙囱拍照，令入行以來從未試過如此暴露的他十分尷尬，其後攝影師更要求他擘開大腿，嘉穎笑說：「估唔到男人之家都會俾人叫擘大啲對腳影相，真係好尷尬。」
近日嘉穎既要趕拍無綫新劇，又要忙為新碟宣傳，問到他可感吃力？他說：「今次出呢張碟係我近十年嚟嘅心願，就算唔瞓都希望全力去做好。」
採訪：戴彩煥
