昨日有報道指胡杏兒和黃宗澤同居，更指二人的愛巢經常於深夜傳出震床聲而惹來鄰居不滿。胡杏兒昨日否認有關報道，但戥緋聞男友被稱為「軟飯黃」感到不值，又強調自己並非如報道所指般容易受騙。
胡杏兒、許志安、黃囗瑩和蔣志光等昨日在屯門拍攝無綫新劇《肥田喜事》的外景，劇情講述飾演許志安大哥及大嫂的蔣志光和黃囗瑩舉行婚禮，喜歡出席人家婚禮的胡杏兒再度擔任姊妹團成員，黃囗瑩與胡杏兒分別以低胸婚紗及以姊妹服飾打扮拍攝，身材同樣有睇頭。
聞軟飯扯火
有雜誌報道指胡杏兒與黃宗澤一對緋聞男女同居，更指二人愛巢經常深夜傳出震床聲而惹來鄰居不滿，她昨日即時否認有關報道說：「我到𠵱家都係瞓緊單人床，阿媽話未結婚瞓雙人床會嫁唔出，𠵱家咁嘅身形一個人瞓張單人床都會有聲啦。我係同家姐住，原本有三隻貓，最近又生多五隻貓仔，總共八隻貓好熱鬧，絕對唔係報道所講嘅同居。」不過她就承認黃宗澤之前曾到訪其香閨。
對於黃宗澤被指是「軟飯黃」，胡杏兒就表示字眼過火，她說：「同佢平反又俾人話，不過唔好寫到人咁衰啦，成篇嘢寫到咁露骨都教壞細路，況且我唔相信我鄰居會咁講，我都唔係佢哋所講咁俾人呃。」
解釋甚牽強
黃宗澤昨天出席一個商台活動，被問到報道指他與胡杏兒同居及「震床」，以及他由女方位於加多利山住所附近坐的士離開，黃宗澤解釋時有點牽強，他說：「嗰日返工搭的士，的士兜路經過啫，我住沙田㗎，同兩隻狗同居。至於屋內傳出嚟嘅聲，多數都係狗吠聲或者阿媽叫我飲湯嘅聲。𠵱家我只係接受到同狗同居，其他人就要遲啲先知，工作要緊，唔得閒諗呢啲。」
對於該報道指他食軟飯，黃宗澤說：「我𠵱家有嘢做，拍嘅廣告慳慳哋都夠我食幾年，而且我賺到錢，絕對養得起家人、養狗同養車。」為了此事他可會傳短訊跟胡杏兒聯絡？他說：「呢排大家喺隔籬廠開工，見面先講。」
探訪：卓美娟 攝影：葉君海
