【本報訊】一雙雙顏色搶眼、外形古怪的膠拖鞋近日在本港「招搖過巿」，不但標榜穿得舒適，防跣、抗菌、輕身，多功能集一身，而且聲稱對糖尿病、血液循環欠佳者、扁平足、腰痛的人士有幫助。有骨科醫生表示，這類吸震能力較高的鞋履的確可以減少腰痛，但效果因人而異；足病治療師則認為，此鞋只宜作兩至三小時短距離步行，扁平足人士不適合。 記者：張嘉雯
骨科專科醫生何正倫表示，這類鞋的設計的確有助減少腰痛，「脊椎入面嘅椎間盤本身有吸震效果，行路嘅時候腳踭到地嗰下，反射嘅力好大，如果吸震好，啲力就唔會經股骨同盆骨去到條腰，可以減少腰痛，但效果因人而異。」他解釋，這類鞋的鞋頭特闊，有足夠位置讓腳趾膨脹，對於經常穿尖頭鞋或者有膝關節痛的人士尤為合適，但不認為對糖尿病患者有特別幫助。
不能完全承托足部
曾試穿此類鞋的足病治療師古永康則指，Crocs這種膠製鞋履與早前引入本港的爽健或Birkenstock設計不一樣，不能完全承托足部，而且鞋底非常柔軟，只可作為拖鞋及沙灘拖的代替品，作兩至三小時短距離步行，扁平足人士不適合穿着，「扁平足嘅人需要較強嘅承托，呢種鞋就唔適合，但足弓過高嘅人，因為所需嘅承托較少，但吸震就要強啲，就適合着呢種鞋喇。」
合否糖尿病人成疑
古永康指，這類健康鞋一般鞋頭較闊、腳跟吸震能力好，減少穿着者的疲累感，但由於Crocs部份款式只分大、中、小碼，未必配合所有人穿着。
對於Crocs聲稱其新系列對糖尿病者有幫助，足科矯形師吳燕玲指，糖尿病患者因為神經壞死，感覺較差，雙腳容易損傷而不自知，因此所選的鞋需有足夠承托力，而且沒有駁口，減少足部因壓力或磨損而受傷的機會，「雖然佢係冇駁口，但如果佢話（Crocs）個鞋底會隨住穿着者嘅腳形而改變，就唔適合糖尿病患者，因為佢哋嘅腳形可能唔正常，着咗呢種鞋反而唔好，有正常腳形嘅人士就冇問題。」
理工大學康復治療科學系系主任許雲影指這些「健康鞋」並沒有足夠的醫學證據，故不願置評，「我好難相信係有幫助，呢啲只係啲唔足夠證據嘅聲稱。」
