利物浦到瑞士蘇黎世同草蜢友賽，好似日前對凱沙羅頓咁，領隊賓尼廸斯會派唔少年輕球員上陣。身為老大哥嘅希比亞就講，只要踢得好，任何球員都有機會踢正選，而佢就講到同樣係中堅位置嘅阿根廷小將柏列達，如果佢喺友賽有好表現，值得擔正嘅話，完全唔介意自己做後備，希比亞都算大方囉。