近期嘅國美永樂合併，小小超嘅電盈就賣咗比梁伯韜，兩間背景完全唔同嘅企業合併，究竟會有咩問題呢？
噚日翰威特（Hewitt）公布一個調查報告，就係有關兩間上市公司經整合帶嚟嘅問題。少過50%受訪者認為，公司整合係成功/非常成功；有52%受訪者都話文化差異係整個合併嘅成敗關鍵；59%會喺未來在亞洲搞合併。
廣州分公司總經理董仁（ChristianDoeringer）舉咗個經典例子：04年中國嘅TCL通訊同法國嘅阿爾卡特搞合併，點知因為雞同鴨講，文化差異太大，7個月就閃電分手。佢建議公司整合前，做吓調查同搞意見小組，甚至睇員工聊天室了解吓，起碼唔會亂晒軍心，人才流失。有興趣搞合併嘅上市公司都要做足功課，費事重蹈覆轍啦！