【本報訊】醫學界聲討有保險公司在合約中加入條款，要求聯繫醫生限制病人覆診和轉介比率，保險業界昨日聯手反擊，稱「根本係有醫生濫用（醫療保險），睇住個保額嚟開單」，以致部份保險公司訂立上述條款，最終危害消費者利益。醫學界則坦承「實有醫生會諗縮數」，但相信情況並不嚴重。
從事保險業的韓小姐昨致電電台，聲稱有私家醫生為求增加收入而轉介病人接受化驗。世運保險顧問主席羅少雄表示，曾有醫生「照X光照得特別多」，雖然該醫生辯稱是為求安心，但由於進行X光化驗可獲拆賬，估計該醫生其實是從中牟利。但他也指保險業界難以批評醫生專業，認為當局應設立監察機制，否則「我哋一定會擔心」。
最終消費者受害
一名保險公司高層職員對本報指出，部份醫生會「照單執藥」，病人如有購買醫療保險就處方昂貴藥物：「但係佢可以話一定要用隻貴藥先醫得好，我哋好難challenge（挑戰）佢嘅專業。」部份醫生又會根據保額收費：「平時個手術收開一萬，見保額有萬五，就開單收萬五。」他認為若醫生濫用保險的情況持續，保險公司或要增加投保費「維皮」，最終危害消費者利益。
香港西醫工會會長楊超發反駁，醫生必須保障病人利益：「例如大腸癌50歲以上發病率有成13%，咁叫唔叫個病人照（大腸鏡）？100個病人照到13個有事係咪值得﹖但保險公司就覺得係嘥錢。」他指醫生也要保護自己，故當病人要求轉介化驗，一般都不會拒絕，「唔係萬一佢去到第二度照到有問題，我哋就俾人告到甩褲」。但他承認或有醫生濫用醫療保險，但情況並不嚴重。