深圳萬科董事長王石舊年完成「7+2」創舉，攀登上七大洲嘅高峯，又去埋南、北兩極，今年新搞作係效法唐三藏，跟玄奘路線由西安出發去印度。雖然途中唔會遇到牛魔王同埋蜘蛛精，但呢條玄奘路線途經巴基斯坦同阿富汗等戰亂地區，呢個現代唐三藏冇弟子孫悟空沿途保護，都咪話唔危險，不過王石話，佢自己同公司都買重保險，對家人同公司都有保障嘛。
講開攀高峯，問王石最過癮嘅，係唔係身處頂峯時嗰種大地在我腳下嘅感覺，點知佢話：「當然不是，在山頂反而是最慘的一刻，已經疲倦到極，所謂『上山容易下山難』，都唔知有冇命落返去。」咁最過癮係幾時呢？「當然是現在嘛！」即係印印腳同班記者吹水嘅時候囉！