有鐘錶業人士指，自動手錶如日戴8小時，不應出現停頓情況。錶匠維修網絡總監梁先生說：「自動上鏈錶發展到𠵱家，技術已經好成熟，佢係利用錶內一個擺動嘅零件，隨住人手嘅動作，自動上鏈，呢類錶一般戴住8個鐘頭，就算未上足鏈，都唔應該停。」
梁先生強調，此類自動錶的上鏈幅度及準確度，受多種因素影響。他說：「手部動作大細同手錶位置，例如垂直或水平，都影響上鏈效果，好似寫字嘅右手，就會好過成日平放嘅左手；經常行路，又會好過長時間坐喺寫字樓。」
遠離電器擺放
由於自動錶零件俱為金屬，故溫度與磁力也需注意。梁先生說：「自動錶如果成日處於極端溫度環境，好似呢頭焗桑拿，跟住就潛水，受冷縮熱脹影響就大啲。平時，手錶亦唔應該放喺強磁地方，好似電視、手機或有摩打嘅電器隔籬，以免影響快慢。」
當然經常保養亦很重要。梁先生說：「新錶買番嚟，最好手動上滿鏈先，咁就可以保證日常持續運行。另外要隔兩至三年，攞去例行檢查，重新『唧油』，加上平時冇強烈碰撞或處於惡劣環境，應該用幾代人都好準確。」