日本女歌手中島美嘉同比佢年長17歲男星永瀨正敏感情一直都好穩定，今年4月就曾被人目擊與男友永瀨以一身襯到絕嘅黑色型格打扮，到寵物店買大批貓糧。但有同美嘉熟絡嘅造型師爆料，話美嘉最近同人講有心儀對象，仲話如果可以同對方拍拖，要飛起永瀨都冇所謂喎，睇嚟永瀨都要加多錢肉緊睇實女友啦。