侍仔：其實係咪個個球員退休後都要做教練工作呢？呢個好似係一個似是而非嘅定律。
招積域：係唔係就唔知道啦，但係我覺得一個球員將自己黃金歲月獻畀足球，要佢突然間轉行係一件好難嘅事。侍仔你試吓做多幾年轉行，你問自己可以做咩嘢？
菠蘿文：「紅褲子」教練係好，但質素就……太過良莠不齊。
侍仔：早排舒利亞推咗麥卡倫，唔願做英格蘭國家隊助教。我好想睇佢復出，為球隊帶來新衝擊；保頓個史必又去做域斯咸嘅青年軍兼職教練。
紅褲子出身良莠不齊
招積域：你都好自私吓，唔係個個都係奇連士文咁好彩，「0」經驗值都領軍都可以拎世界盃季軍，成績差勁嘅有人在。
菠蘿文：馬圖斯、加斯居尼呢類咪係例子囉，前者教巴甲教到畀人炒、肥仔嘜又酒醉未醒就落場教人，結果都係失敗。
侍仔：但既然條路咁難行，成功例子又少，點解仲有咁多人願意用自己名聲做賭注？知名?蜃噸~足球員應該搵唔少錢，唔需要用自己名譽做注碼。
招積域：撇開轉唔到行呢個原因，其實佢哋都係想球圈好啫。既然自己踢咗咁多年波，教吓後生仔都係應該既。
菠蘿文：你講到佢哋好偉大喎！
侍仔：見仁見智啦！但講真呃飯食哋就真係唔多，誤人子弟嘅罪名唔係個個擔當得起，做教練要有嘅係承擔。
文︰高洛文