古巨基出道多年，眼皮由單變雙，一直被指割雙眼皮。前晚他擔任軟硬天師演唱會嘉賓，慘遭兩位天師取笑他有「娛樂雙皮眼」，還把他抬起，令他大吃一驚。
軟硬天師前晚請來古巨基擔任演唱會嘉賓，捧場的圈中人計有森美小儀、何韻詩及陳文媛等。
基仔多年前曾主持無綫節目《娛樂新聞眼》，前晚他說：「有次我做訪問，可能我問耐咗，你兩個夾手夾腳抬起我平放喺地下。」怎料剛說罷軟硬即把他抬起，嚇得基仔大叫，阿Jan吃力地說：「𠵱家大個仔，抬你唔起呀！」
阿葛妻兒捧場
之後阿Jan又取笑基仔道：「你由《娛樂新聞眼》出道到𠵱家變咗『娛樂雙皮眼』，有乜方法變㗎？」基仔笑說：「你瞓覺前唔好飲好多水就得。」阿葛則直言：「割雙眼皮得唔得？」基仔聞言只好儍笑，阿Jan遂轉話題談周慧敏，阿葛叫他唱《自作多情》，又說：「你一邊滴手汗，一邊雙皮眼，再用超假音唱啦。」基仔即謂：「我準備咗另一首歌，呢首歌嘅假音啟發咗我，呢位歌手對我好重要。」隨即對着阿Jan唱其妻彭羚的舊歌《小玩意》，阿Jan尷尬地說：「古巨基真係好犀利，但我覺得我老婆唱得好聽啲。」
前晚阿葛的妻兒坐在第一排，阿葛開場時說：「我阿媽睇完第一場叫我妹傳短訊畀我，叫我努力，話好睇過小鳳姐，我內子就喺安哥前走咗，個仔返去瞓時發噩夢同標冷汗㖭。」
採訪、攝影：馬建華
