最新鹹蛋超人推出PSPGame後，不少Fans衝着搶購，但到底係咪真係得8個鹹蛋超人咁少？傳聞一直指有埋超人之父登場，可惜唔少玩家都話︰「爆咗幾次機都未見佢蹤影！」不過經筆者多番思量同實踐下，終於連呢個終極隱藏人都拎埋！
只要打故事模式時，到某情節話超人之母要佐菲休息3日，跟住玩家要跟5位超人兄弟討教。玩家先打低1位兄弟，跟住喺同第2位兄弟開波前，按Start再Save離開遊戲；精妙處出現喺呢個時候，先將PSP嘅真實時間推後3日，接住開Game續打第2位兄弟，打打打，你自會發現劇情有變。最後只要用反死光打低藍色怪獸，及戰勝被妖邪上身嘅超人佐菲，之後再打爆機就得到超人之父喇！
記者︰陸俊雄