追星一族都知道置地文華東方酒店是不少明星高官聚腳處，酒店員工遇到明星更是司空見慣。問明星是否出手闊綽經常給貼士，在酒店餐廳「Amber」任職1年的JoJo沒答，只說：「每個入得嚟餐廳嘅都係客人，我哋對待明星同平常人一樣，服務客人有一套規則，例如對客人態度、說話……」答案似代念新聞稿，我沒心聽，反而留意到有5年酒店餐飲服務經驗的她，無論舉止談吐都與空姐有得Fight，細問方知她原來要學化妝，每日上班也有專人Set頭，高級酒店果然不同！
上班以來，哪個星級客人最麻煩、哪個最Nice？「客人私隱，我哋唔講得。」我再三追問，她依舊守口如瓶，惟有自己翻查資料，張學友、羅美薇、伍詠薇、張曼玉等都是「Amber」常客。JoJo說：「我哋當大部份明星係平常人咁看待，不過有啲客都會因為名氣太勁而需要特別照顧。」誰？自己慢慢估，因為她照樣不答，態度與明星帶狗仔隊遊花園一樣，不過問到有否開心事，她想也不想即說︰「記得上年聖誕節當日，有位高官嚟食飯，當日佢點咗支成$8,000嘅ChateauMargaux1985紅酒，估唔到佢會買多支請全場員工一齊飲，我有份飲，我真係成世人都未飲過咁好飲嘅紅酒。」
記者：方綺君 攝影：何家亮
澳洲有機藤茄配-8℃冰酒醋五食（$190），在-8℃環境下採摘葡萄釀製成冰酒醋，藤茄五食中，以西班牙凍湯食法最滋味。
烤法國菩勒羊鞍配蠶豆、嫩雅支竹、青蘆笋及八角汁（$430），上乘羊鞍用低溫煮法鎖住肉汁，上碟前略煎表面添香味，蘸八角汁吃更香口。
純牛奶巧克力火窩配焦糖海鹽，伴濃巧克力餅及焦糖雪糕（$135），焦糖一般過甜，不過此甜品甜味適中，份量小小感覺剛好。
Amber（21320066）
地址：中環皇后大道中15號置地文華東方酒店7樓