Twins噚日以Xbox遊戲機代言人嘅身份出席香港動漫節宣傳活動，喺台上比賽打機，蔡卓妍（阿Sa 右）連勝兩個回合。對於謝霆鋒同張栢芝復合，Twins都表示戥霆鋒開心，問阿Sa會唔會渴望有個對自己死心塌地嘅男友？佢話：「每個人都想㗎啦！我希望三十歲後可以搵到個人同我結婚，然後生BB組織小家庭。」但佢就點都唔肯講真命天子係咪已經出現。