杜德偉早前被指尋歡後，一直都冇正式交代事件，噚日三點半左右，哥哥杜德智喺佢屋企出嚟，行咗去對面街嘅洗衣店，攞咗兩件衫之後又返上樓。問杜德智有關細佬單桃色事件時，佢話：「呢啲係佢私人事，你哋問番佢啦。」至於細佬係咪為咗避傳媒而搬走，杜德智冇正面回答，只係話：「佢咁大個人，呢啲嘢自己搞掂。」