暑假期間，小朋友其中一項主要娛樂是看卡通片，惟本報近日接獲多名一直收看有線電視兒童台客戶投訴，他們所選的DIY自選組合，其中屬電影系列包括兒童台的第11頻道，近日被鎖上，查詢下始得知兒童台已被「重組」到新開設的兒童頻道系列內，如要收看便須另外付費。客戶斥有線單方面調動頻道內容，令他們蒙受損失。
個案一：「當初我簽約時已經問明DIY組合係咪包埋兒童台，職員話係我先至開台。佢哋都好取巧，開晒台先寄合約過嚟，合約話明有線可以隨時更改自選套餐節目頻道內容，又話『如有任何爭議，有線電視保留最終決議權』，咁即係佢哋點調都得啦!」
未滿約改動不公平
有線電視客戶侯太向本報投訴稱，去年10月簽約選用有線DIY自選組合，當中包括四個自選系列，即資訊、電影、娛樂及體育四大自選系列。每個系列包括多條頻道，總共約20條頻道。其中在電影系列內的第11頻道，日間是兒童台，晚間則是電影二台，播放電影。
她稱，於本月中，其10歲兒子按第11頻道欲收看兒童節目時，只見畫面已鎖，螢幕打出提示，若要收看此頻道，客戶可聯絡客戶服務部。
她查詢下，才得知有線原來早已將兒童台抽調到兒童頻道系列內，選用這個新系列的客戶，須另加38元才可收看。
侯太斥有線做法不公，「簽咗18個月合約，應該開台時有咩台，就做到合約期完為止。依家𠱁咗我哋入局，跟住就調走個台，好唔合理。」
個案二：同樣在去年10月續約選用有線DIY組合的周太稱，於暑假期間，其子才得知兒童台被鎖，「細路仔喺暑假最想睇兒童節目，有線就喺暑假抽起個台，單方面改合約，事前又冇通知，淨係喺電視螢幕打句說話就算，我唔係24小時開住嚟睇啲字幕㗎!打去同佢哋嘈，佢哋就好似好優惠我咁，話3月起已經逐步Cut台，你哋已經係最後一批客被Cut。」令她大為氣結。
無可奈何惟有加錢
個案三：選用有線自選組合已有9個月的李先生說，最後一次收看到第11頻道是上月20日，但事隔兩日，他已經接收不到該台。
他聯絡有線查問，才知組合計劃有所調動，但因暑假期間其子女希望收看兒童節目，他無奈下惟有加錢加台。「我要求轉系列，但係唔畀轉，惟有加38蚊睇埋兒童頻道系列，仲要侷住簽多18個月合約。」
個案四：對有線大失所望的張小姐稱，「點可以用重整為理由，取消既定客戶嘅頻道㗎。𠵱家啱啱暑假，細路仔睇唔到兒童台好失望。我認為應該畀已經簽咗約嘅客戶，可以繼續睇到約滿為止，咁先至公平合理。」
檔案編號：0725002,0725003,0725004,0725005