劉德華早前戴上紅星軍帽加上佩槍、小刀等，在戶外拍攝雜誌封面。他大談自己的荷李活電影夢，直言近年蝕錢投資電影培育新晉導演，不是自求多福，而是真的喜歡香港，希望香港電影能夠流芳百世。
劉德華早前登上本地潮流雜誌《號外》的三十周年紀念版，參照《哲古華拉少年日記》（TheMotorcycleDiaries）劇照，戴紅星軍帽、穿白背心手持長槍，大談個人理想，不過他搞的革命，不是政治、民主，而是香港電影的夢想與未來。
期待西版《無間道》
訪問中華仔透露未入訓練班已在幕後做小角色，到今時今日，入行近30年。近年他致力投資培育新導演，搞「亞洲新星導計劃」等，他謂只是依照自己的心、取向去做，不是為自己的聲名作福。他說：「我喺呢一行，希望呢一行威水，未必要係我流芳百世，而係我哋香港電影流芳百世就夠，等如荷李活，就算100年，大家寫電影史都會寫荷李活一樣。」
華仔續說：「我覺得香港都唔差，我哋都有一部戲喺荷李活hit，《無間道》就係第一部啦！」他揚言所有演員如林家棟、黃秋生在片中都有超水準演出，並說很期待麥迪文的演出，及美國版如何將《無間道》的佛學觀念及神髓融入西片中。
培訓導演值得花
談到投資，華仔直言會蝕錢，但相對也令他比以前更努力，他說：「新導演好難有機會，因為香港市場太細容納唔到。我投資一部都係三、四百萬，係能力範圍內，令我對錢嘅概念唔同咗，未蝕錢嘅時候，我最高紀錄有九架車，得閒就拎畀雜誌影吓相，幾威風！𠵱家就唔會亂使錢，呢個計劃好似間學校咁去做小型作品，好似培訓，雖然唔一定成為大師傅，但係必要做。」
撰文：DebbieLum
圖片提供：《號外》
