劉德華本打算明年於紅館開騷，前晚他擔任軟硬演唱會嘉賓時，自爆入紙申請租用紅館被拒，笑指要觀眾幫忙上街遊行，林海峰直言華仔深受港人愛戴，民望高過特首曾蔭權。
軟硬天師紅館演唱會前晚演至第三場，請來劉德華任嘉賓，他出場演唱《我恨我痴心》，全場觀眾歡呼不絕，軟硬出場時大讚華仔打保齡及寫書法都出色，林海峰說：「你係真正嘅紅館主人。」
「留番啲錢睇我」
阿葛表示明年輪到華仔在紅館開騷，華仔竟說：「講起我就想喊，我今日先收到通知，話我入紙明年七月開演唱會，紅館reject咗，因為七月好多政府活動，如果出年八月搞嘅話要下個月先可以入紙申請，都唔知得唔得，靠你哋幫我上街遊行。」林海峰即說：「我相信你嘅民望高過曾蔭權。」華仔續說：「七月邊個做騷我都去做，或者你哋全部七月嘅騷都唔好睇，留番啲錢之後睇我啦！」觀眾隨即拍手附和。
重演《無間》經典
軟硬每場都將嘉賓金曲的歌詞改寫，前晚他們指看見華仔都會想起綠茶，華仔即笑謂若開騷會派綠茶，軟硬又將其歌曲《忘情水》的歌詞改成「給我一杯綠茶水」及「給我金寶綠水」，聽得華仔狂笑，後來三人合唱《獨自去偷歡》，軟硬將歌詞改為「劉華愛碌齡，阿劉華讀書醒，劉華冇得頂，寫大字的確精」，華仔也將最後一句歌詞改為「我大鼻邊個整」。
林海峰突然重演《無間道》經典場面，以手指作槍，指着華仔說：「我知你好鍾意喺天台傾嘢，我係陳永仁，我係差人。」冷不防華仔也說出劉建明的對白：「邊個知呀？」林海峰即笑到碌地。此外，李克勤、吳君如、曾華倩、吳彥祖、蔡卓妍及杜汶澤夫婦等都有捧場。
採訪、攝影：胡比
