早前與薛芷倫傳出緋聞的殷櫻前男友、即大狀清洪契仔巫雨平，前晚與陳淑蘭（蘭子）結伴出席腕錶派對，蘭子直指對方是自己的新目標，擺明向薛芷倫挑戰。
梅艷芳生前的經理人王敏慧代理的瑞士腕錶品牌N.O.A.，前晚在中環遮打大廈舉行派對，廣邀城中好友包括關淑怡、黃家強、徐濠縈、許志安、鄧麗欣、黃子華、黎姿和名模AnaR.、AmandaStrang等出席，但最惹人側目的是陳淑蘭輕挽殷櫻前男友、即清洪契子巫雨平前來，態度親暱。
「佢靚仔有條件」
巫雨平早前與薛芷倫結伴看演唱會傳出緋聞，對此蘭子昨日在電話回應說：「我識咗佢一排，知佢單身，都戥佢開心，我又單身，佢又靚仔又有條件，一見佢我都捉到佢實一實。」對於殷櫻曾指巫雨平不喜歡年紀大的女性，蘭子笑說：「咁我呢一輩咪啱囉！佢係我呢一輩單身女性嘅新target！」蘭子似乎擺明向薛芷倫挑戰。
前晚派對上，關淑怡穿上tubetop加外套出現，但肚皮滿布橙皮紋，原定今年六月張耀榮為她在紅館舉行演唱會partII，但最後因她反口而連累張耀榮損失50萬，記者問關淑怡何時再開個唱？她表示要問公司，問她是否想再開個唱？她說：「傾緊，或者下年，我𠵱家忙緊為新碟揀歌。」
同老婆有商量
上月娶了日籍太太Makiko的黃家強，前晚單拖出現，對於被指早前與太太嗌交，家強說：「冇，不知幾好，兩個人有商有量，呢啲唔係嗌交。」家強又否認早前與黃貫中出席同一活動時冇偈傾，還透露有意在08年舉行Beyond25周年演唱會，家強說：「𠵱家心大心細，未定25周年定30周年，如果25又做30又做，怕俾人有掠水感覺。」
家強與杜德偉屬同一台灣唱片公司，對於對方近日惹上桃色糾紛，家強說：「都會支持佢，人誰無過，佢都係一時貪得意啫，大家唔好啫住佢啦！」
採訪：張俊銘 攝影：陳順禎
