不少法律界人士批評，《截取通訊及監察條例草案》危害律師與客戶間的法律專業保密權。有接辦刑事案件的律師黃國桐更直言，該草案不但破壞律師與客戶間的法律專業保密權，而且摧毀《普通法》被告「無罪假設」的基本原則，侵犯市民法律權益，絕對不能接受。
破壞法律保密權
黃國桐指出，根據草案內容，執法部門可就某個目標人物或某宗個案，任意截聽律師的通訊。「佢哋（執法部門）話，只會截聽我同A嘅對話，但事前連我在內，都唔知邊個會同幾時打畀我。咁即係話佢哋其實可以聽晒所有打畀我嘅電話，佢哋會順帶聽埋我同其他客戶嘅對話，但呢啲客戶本身同單案無關，咁已經破壞律師同客戶嘅法律專業保密權。」黃認為，更恐怖的是，執法部門可根據律師與其他客戶的對話作為情報，跟進調查其他案件。「佢哋可以知道晒啲被告有冇做過（案），咁控方就自然諗方法去迫被告認罪，咁已經違反所有疑犯無罪假設基本原則。」
黃國桐直言，一旦草案獲得通過，他可能只於公眾地方與客戶面對面直接討論案件，以免被執法部門截聽。他笑言：「到時我哋就好似《北非諜影》咁，戴晒帽，喬裝打扮，先敢同個客喺公眾地方傾嘢。」
本報記者