《論語》有云：「人不知而不慍，不亦君子乎」。呢個正好係樹仁校監胡鴻烈同佢太太樹仁校長鍾期榮嘅最佳寫照。35年默默耕耘，堅拒向當權者妥協，保住大學四年學制，為一個理想，為一家學院，香港教育界，難得有心人。
八方噚日見到佢兩老接受記者訪問講心聲，第一時間就幫佢哋打聽前程，得到最好嘅消息，就係兩老應該好快就心願得償，因為有關當局都認為佢哋已達到升格做大學嘅水平，報告都出咗；𠵱家等緊行會放完暑假復會，煲呔同佢班行會成員一齊拍板定奪。
如冇意外，胡校監同鍾校長喺今年11月校慶日應該有嘢宣布喇，政府都想有間認可嘅私立大學，同受UGC政府資助嘅大學比拼吓，唔使佢哋成日話唔夠錢使。