「既然無辦法整走佢，總唔可以一直討厭佢，咁不如學習吓點樣同佢和平相處，我當佢係細佬。」剛完成會考的溫志豪說起來淡淡然，但原來「佢」是一顆貼近腦脊椎視神經的良性腫瘤。別人怨天尤人的好理由，志豪卻從中學會珍惜、感激和欣賞，更誓言與這位「好兄弟」共存亡。
志豪在單親家庭成長，同住的父親其後與家中女傭再婚，令當時只有小二的他感到「自己好似鄉下嘅走地雞咁，走嚟走去（無人理）」。同一時間，他開始感到劇烈的頭痛，但屢次求醫都未能找出病因，直至兩年後，經腦部檢查找出劇痛源頭──腦積水。
接受抽取腦積水的手術後，志豪繼續其「走地雞」生活。及至升讀中學和加入教會，想法才漸漸改變。但正當一切開始向好的一方發展，噩耗突然傳來：「中三嗰年（04年）4月照到個腦有腫瘤，於是即刻做手術，但手術時先發現個瘤貼住腦脊椎視神經，所以唔可以切除，唔係可能會廢咗右眼。」
「令我覺得爸爸好重要」
天意弄人，志豪首次感到死亡並非遙不可及，更一再悔氣地對父親說：「我死梗㗎啦，你唔好理我。」父親卻用一雙粗糙的手輕捉他以示鼓勵，令他感到來自父親的溫暖，拉近父子二人的距離。「有病令我覺得爸爸好重要，如果一個人無咗屋企人會覺得好空虛。」同年10月他接受電療，雖然腫瘤至今仍在，且會緩慢生長，對生命造成一定威脅，但志豪已學會欣賞患病帶給他的與眾不同的人生。他說：「你嬲一個人都係想佢畀反應你啫，但嬲粒瘤佢唔會有反應喎，咁點解仲要嬲？𠵱家我當佢係細佬㗎，佢教識咗我好多。」
記者 趙燕婷
逢周一刊出