周日睇報紙，知道六叔邵逸夫已經冇事出院，小初謹祝六叔身體健康。此外，一班炒邵氏（080）同埋電視廣播（511）控股權會易手的炒家，睇怕暫時可以收工咯。
不過經紀黃話，關鍵唔在於六叔身體健唔健康，而在於兩間公司控制權係咪真係有得斟。單睇兩股近排股價表現同埋成交量，就令人覺得唔簡單，兩股隨時可以炒完又炒。
另外，半導體設備及工具產銷商ASM太平洋（522），在今日公布中期業績。經紀黃話，ASM盈利應有不俗增長，可以諗得過。隻股除看好業績外，仲有一個原因就係股價跌得多，可以追落後。
查實半導體生產商今年定單回升的情況好多人都知，所以ASM股價喺年初一直企硬在43元水平，但因為大市出現調整，ASM股價亦一齊急回。上周五跌0.99％，收35.05元，比起52周最高位50元，跌咗3成咁多。
慕容小初