英國副首相彭仕國（JohnPrescott）同秘書鬼混單嘢爆出嚟後，女方坦普爾（TraceyTemple）就俾人「燉」咗個二打六，去咗一間大學做開信封之類嘅閒工。官方話佢喺雙方協議下接受咗份工，三個禮拜前已經開工，但係坦普爾嘅朋友就爆料，話佢根本冇得揀，當局將佢放逐邊疆，根本係想迫佢自己唔撈：「佢好慘呀，因為佢只係做緊佢10%能力嘅嘢。」