女子組合Twins昨日到西九龍中心舉行簽名會，大受歡迎，更有人遞數簿給她們簽名。二人又到商場消費，買了很多東西，很多商舖都給她們優惠，並主動送上禮物。
妙法防汗迹
蔡卓妍（阿Sa）說：「好抵呀！好多嘢都係送嘅，我哋買咗音樂盒、冰糖葫蘆，有個老闆畀我哋五十蚊買咗三個鐘，我哋總共差唔多使咗500蚊。做藝人就有呢啲優惠，試過去一個地方買嘢低過半價㖭。」
最近二人在內地拍攝《雙子神偷》，鍾欣桐（阿嬌）被指身形肥胖，但她們卻主動向記者表示今次拍戲可瘦身，阿嬌說：「喺內地拍戲好熱，不斷流汗，我哋就係神偷瘦身團喇！」阿Sa則說：「平時胳肋底流汗會整濕件衫，好難睇，Steven教我哋用牛皮膠紙貼住件衫，咁就真係冇事喎！」
採訪：王連連
攝影：陳俊強
