黃伊汶、吳建豪、樊少皇、林子聰、田啟文、陳國坤和梁小龍等，昨日在紅磡出席電影《功夫無敵》記者會，黃伊汶在新片扮演上流社會交際花，與陳國坤有一場15秒親熱接吻戲，她說：「佢拍親熱戲經驗唔多，拍嗰時竟然手震，拍戲都冇乜好嘢預佢，今次佢真係有福。」
武師出身的梁小龍昨日被發現掉了幾顆門牙，他透露是被其幾歲大兒子踢掉，他說：「我對仔女好打得，個女10歲，打功夫已經好叻，可能係遺傳啦！佢哋話想學功夫咪教囉，我兩隻門牙就係俾個仔踢甩。」
歎無可造之材
梁小龍功夫了得，問他覺得目前圈中有哪位男星是可造之材？他說：「你要我講真話定假話先？做武打呢行好辛苦，我真係未見到有邊個唔怕辛苦又有恒心。」
採訪、攝影：魯萍