台灣女子組合S.H.E呢輪紅到發紫，佢哋啱啱喺上海同香港搞完兩場巡迴演唱會，跟住又馬不停蹄去宣傳新碟，真係忙到飛起。
佢哋噚日又喺台北西門町出席簽唱會，同歌迷近距離接觸兼大玩遊戲，瘦身成功嘅成員Selina着咗小背心，大晒小蠻腰為歌迷消暑。Ella就同男歌迷提前慶祝七夕情人節，佢哋面貼面玩安全之吻，搵張薄到好似張保鮮紙咁嘅膠片隔住，Ella雙手熊抱男歌迷時，出盡九牛二虎之力，連面都歪埋，使唔使咁狼胎呀？
Ella聽到佢哋新碟大賣嘅好消息後立刻狂叫，仲要求現場所有工作人員鼓掌慶祝，佢話：「雖然緋聞纏身，很開心歌迷還是相信、支持我們，沒受任何影響。」
關仁
