前維拉利爾嘅阿根廷前鋒費古羅亞處境淒涼，繼年初加盟河床冇耐就重傷錯過世盃決賽周，𠵱家仲發現老竇可能落格，搞到同球會關係破裂，可能要淪落到踢意乙熱拿亞㖭！事緣費古羅亞同傳媒講河床一直冇出糧畀佢，其實球會已將錢畀咗佢老竇，搞到費古羅亞好尷尬，幾乎肯定要執包袱走人，真慘！